لا تأمن الدهر إنّ الدهر ذو غير
وذو لسانين في الدنيا ووجهين
أخنى على عترة الهادي فشتتهم
فما ترى جامعاً منهم بشخصين
بعض بطيبة مدفون وبعضهم
بكربلاء وبعض بالغريين
وأرض طوس وسامرا وقد ضمنت
بغداد بدرين حلّا وسط قبرين
يا سادتي ألمن أنعى أسىً ولمن
أبكي بجفني من عين قريحين
أبكي على الحسن المسموم مضطهداً
أم للحسين لقىً بين الخميسين
قد شتتوهم بين مقهور ومأ
سور ومنحور بسيف عناد
هذا بسامرا وذاك بكربلا
وبطوس ذاك وذاك في بغداد
* * *
ابكل بلده او كل وادي من أولادي بدر غاب
ذاب گلبي من مصايبهم أو منّي الراس شاب
كل صباح او كل مسيّه ينفقد منّي ولد
شردوهم بالفيافي او لا يأوون ابّلد
خاليه منهم منازلهم ولا منهم أحد
بس حرم وايتام مدهوشين من عظم المصاب
بعض راحوا بالمباني وبعض راحوا بالسجون
والذي بالبر هاموا للوطن ما يرجعون
والگضوا بالسم غيله يا خلگ ما ينحصون
والذي انذبحوا اتظل اجسادهم فوگ التراب
بعض عندي بالمدينه وبعض هاموا بالبرور
بعض حصلوا الهم امواري او بعض ما حصلوا اگبور
كم جسد بالطف عاري وراسه ابخطي ايدور
وكم طفل مرمي ابكتر حسين دامي وكم شاب
ومن فعل بغداد ذابت مهجتي وگلبي انكسر
مهجتي باب الحوائج ظل رميه على الجسر
والمصيبه اللّي دهتني بطوس مخسوف البدر
عنه ابعيده العشيره أو ميت اببلدة اجناب
واصبحت طوس ابزلازل والخلگ كلها ابعويل
لجل ابو محمد تزلزل يا خلگ عرش الجليل
ولعلام السود منشوره او مدامعهم تسيل
اهتزت السبع العُليه وبالأرض صار انقلاب
گام شبله ايغسله والدمع من عينه هما
مدده اعلی المغتسل والماي جاه امن السما
وبالطفوف حسين جده تغسل ابفيض الدما
والكفن سافي الثرى عريان مسلوب الثياب
* * *
عريان يكسوه الصعيد ملابساً
أفديه مسلوب الثياب مسربلا
