بسم الله الرحمن الرحيم
هاليوم الرضا مسموم
اللهم صل على محمد وآل محمد وعجل فرجهم
غريب إبديرة الأغراب *** أبو إمحمد دليله ذاب
هاليوم الرضا مسموم *** والشيعه إبحزن وإهموم
أبو إمحمد دليله ذاب
ـــــ
عزّوا فاطمه والمرتضه حيدر *** عزّوا المصطفه والكاظم إو جعفر
مسموم الرضا هاليوم والأكبر *** غريب الدار مولانه كضه الأزهر
نبعه هاشميه كان *** صُبَر عالضيم والأحزان
قلب الدين بيه إنصاب
أبو إمحمد دليله ذاب
ــــــ
ثامن من أئمة بيت هادينه *** طاهر بالعُطر فاحت رياحينه
نهواه الرضا نحزن لجل عينه *** والكاظم نعزّيه إو أمل بينه
شفاعه إنّال بالمحشر *** وإبحبهم أمل يكبر
والحَبْهُم أبد ما خاب
أبو إمحمد دليله ذاب
ــــــــــ
فرض حب الرضا من الله بالقرآن *** سفينه للنجاة إو للمُحب عنوان
طَيْبَه طينته من خالق الأكوان *** علم عنده الرضا عالي عظيم الشان
حوائج عنده مكضيه *** إكصده إو شوف جاريّه
نبع صافي عبيره طاب
أبو إمحمد دليله ذاب
ـــــــ
أبو إمحمد حُوَه كُل العلوم إو صار *** عَلَم للناس عالي إو مَلْجَه للأبرار
كُل مَنْ حاور الزاكي رجع محتار *** شوكه جان وإبعين العده الأشرار
حَيّر كُل ذكي علمه *** إسم حيدر علي إسمه
كمر ضاوي أبد ما غاب
أبو إمحمد دليله ذاب
ــــــ
رحمه من إله الكون مولانه *** سطع نور الرضا معروف عنوانه
كنز عنده إبن موسى علَه شانه *** صرح للطب بناه إو للبشر صانه
علم عنده يفيد الناس *** سيف إو ما يهاب أرجاس
خيمه إو حاويه الأحباب
أبو إمحمد دليله ذاب
ــــــ
كُل حاير يشوف إبنور والينه *** يعيش إبخير ثابت عالهُدى إو دينه
علي يضوي درب خير المُحبينه *** ننصب مأتم الزاكي زحف جينه
نصيح إبصوت نجري العين *** يبو إمحمد يبو الطيبين
يعالي إو للحوايج باب
أبو إمحمد دليله ذاب
مع تحيات شاعر اهل البيت / جابر النجفي
www.alshiaclubs.com
